اخواني و أخواتي الاعزاء
اليوم جايب لكم قصيده وانشاءالله انها تعجبكم
وقصتها ان الشاعر احب بنت وكان ناوي يتزوجها وكان
وقتها لايملك المال اللي يكفي للعرس وفكر انه يروح يتوظف
في منطقه ثانيه (قيل انه راح للكويت) وحصل وظيفه وجلس
بالكويت ثمان سنوات وبعد ان جمع المال اللي يكفي للزواج
عاد الى أهله ولا يجول في خاطره طيلة الثمان سنوات غير صورة
محبوبته اللي أحبها من كل قلبه ولما رجع لديرته شاف مجموعه
من الاطفال يلعبون وطاحت عينه على ذاك الولد اللي لما شافه
ايقن ان محبوبته تزوجت وان هذا الطفل يكون ولدها ،، وقال هذه الأبيات
غابت ثمـــان سنيـــن حل وترحـــال $$ غـــابت ثمـــانٍ كلهـــا مدلهمـــه
قضيتـهــا بالحــب والشــوق رحــال $$ شوقٍ تعـــدى كل يـــاسٍ وهمــــــــه
سألـــت عنهــا شهـور وسنين وليال $$ ولا فيــه فـجٍ غيــر وجهــت يمــــه
وعقب الثمان اللي تعبها برى الحال $$ جـــاب الزمــان الكارثــه والمطمـــه
جــاني ولدهــا يبتسم بيــن الاطفــال $$ ومن بسمته ذكــرت انا بسمــة أمـــه
شفتــه وصاحت داخلـي كل الامـــال $$ صوت عجزت بكتم الانفـاس ألمـــه
وركضت له دمعي على الخـد همــال $$ ومن كثر شوقي قمت بالحيل أضمه
ولحضة حضنته والطفل في يدي مال $$ شميت ريحتها على اطراف كمــــه
واستلهمت نفســي مقـاديــم الاهــوال $$ وتم الضيــــاع ووقفــت لي متمــــه
ليت الغياب اللي شغل غربتي طــال $$ ولا دور العــــاشق على حرق دمــه
واليـوم بنت النـاس في بيت رجــال $$ وحبٍ على غيـــر الشرف لي مذمــه
الشاعر محمد البلهادي
قصة وقصيدة في الحب .gif)
رد:
قصة وقصيدة في الحب
العرض العادي
