1- عمر الزهـور
لا يـصيبك شـك مني في غلاك
يـامغلي عـيشة أيـام ،، العمر
لا يـهمك من حكي هذا ،، وذاك
ولا يـصيبك يـابعد عمري كدر
مـنوة الـعذال يـسعون الهلاك
حـبنا الـلي تـوه بعمر الزهر
لـو يشوفك من عذلني في هواك
مـثل مـاأشوفك عذرني وأعتذر
وأعـترف أنك على وصفي ملاك
وإن عـندي يـوم حـبيتك نظر
واجـد أهـل الزين لكن في بهاك
الـجمال بـكل مـعنى مـختصر
خالقك سبحانه ،، إختار وعطاك
كـل كـامل من تواصيف البشر
كـان حـور العين تشبهك بحلاك
هـني أهل الخير في يوم الحشر
دامني حي ،، فلا أطمع في سواك
وبـاستمرار ارجي لقا بعد القبر
2- قـالو تحبـه
قـالوا تـحبه قـلت ماهوب بالحيل
بـس انه أغلى شوي من نور عيني
يـسوى جميع الجيل الأول وهالجيل
أحـبـائي الـمـاضيين والـمقبليني
شوقي له أعظم من ظما الأرض للسي
وأشـفق عـليه أكثر من أم الجنيني
وأحـتاج لـه حاجة ثرى مصر للنيل
وعـليه أغـار ولو من ما للوالديني
أشـتاق لـه شـوق الـمحبين لليل
وأرتـاح لـه راحـة دموع الحزيني
لا صـار جـنبي لو سنه وقتي بخيل
ولا غـاب لو لحظات صارت سنيني
قـالوا يـحبك قـلت هـذا هو الويل
مـا ودي أنـشد ثـم رفـضه يجيني
وأهـدم رجـأي بدبرتي مثل ما قيل
والأفـضل أحـيا بـالأمل لو لحيني
يـا حـبكم يـا نـاس لـلقال والقيل
والأمـر لـو سـهل يـصبح مهيني
خـلوني أحـيا في الوهم يا عواذيل
وش دخـلكم والأمـر بـينه وبـيني
........................